Datorren ostiralean, ekainak 3, lehenbiziko aldiz Kuirbilenea ospatuko dugu. Jardunaldi transmaribibollo antirrepresiboa, okupazioaren inguruan eta kuir begiradatik.
Etortzera, parte hartzera, gozatzera eta espazioa zaintzera gonbidatzen zaituztegu.
Egitaraua
17:30 Ateen irekiera.
Txapak, merchan, fanzineak, distriak eta barra.
18:00 Mahai ingurua: Okupazioa kuir ikuspuntutik.
Mahai ingurua hiru denboralditan planteatzen da. Lehenbizi, iragana, banako zein kolektibitateetako esperientziak elkarbanatuko ditugularik, okupatutako espazioen nondik norakoak eta garapena azalduz. Ondoren, oraina, esperientzia horiek zer nolako aportazioak egin dizkiguten aztertuz (zer funtzionatu zuen ondo, zer lortu zen, zer nolako sareak sortu ziren, zer desira, energia eta behar ditugun orain…), nola bizi ditugun espazioak orain eta zein erlazio dugun okupazio mugimenduarekin. Bukatzeko etorkizun irekia dugu, denok batera gai ezberdinak jorratzeko, hala nola erabakitako ez-mistotasuna, sare okupari eskaerak egin nahi dizkiogun, edota espazio seguruaren utopia zein litzateke.
21:00 Zozketa.*
Bost lote zozketatuko dira: Mal Rayo, Moi, Tinta Pervertida, Okupa Kuir eta Tarot. (+ Lote sorpresa!)
*Zozketaren zenbaki saridunak: 265 – 318 – 173 – 223 – 86 – 77
22:00 Jaleo transmaribibollo ez mistoa, gizon zisheterorik gabeko gunea.
Proiekzio eta laburmetraiak, kabaret showa, performanceak, pintxadak DJ Konpintxes, Ácrata Ruiz Demacrada, Gawa, DJ Mamua eta gehiagorekin. Sarrera 3€.
Bildutako guztia LGTB+ kausa antirrepresiboetara bideratuko da.